General Santos City–Gihingusgan ni Police Lieutenant Colonel Lino Capillan, tigpamaba sa Police Regional Office 12 nga dili solusyon ang balasahan sa mga Chief Of Police sa walo ka mga Police Station sa dakbayan aron lang maresolba ang kriminalidad nga nagakahitabo sa nagkadaiyang barangay sa syudad.
Saysay pa ni Capillan nga nagadepende matud pa sa pagdumala sa usa ka opisyal sa iyang lugar nga ginsakupan kung unsa nga mga stratehiya ang himoon aron maresolba ang krimen nga nagakahitabo.
Sumala pa sa opisyal nga dili buot pasabot nga kung pulihan ang usa ka labaw sa police station duna na kini kasayuran sa mga panghitabo sa lugar nga iyang gidumalahan.
pagpaklaro usab ni Police Lieutenant Colonel Lino Capillan nga kung ang usa ka hepe sa police station mabalhin sa laing lugar dili pasabot nga wala na nakontento ang labaw sa PNP sa iyang performance kundili normal lang matud pa ang pagbalhin-balhin sa posisyon sa mga opisyal.
Dugang asoy ni Capillan nga bisan pa man nga dunay daghang krimen ang nahitabo sa lugar nga ginsakupan sa usa ka chief of police wala kini kasayuran kung ibalhin kini sa ubang lugar.
Apan gikinahanglan usab nga tan-awon kung unsang klase sa krimen ug kung nahatagan ba kini ug kasulbaran dili ingon nga duna nay atubangon nga silot o penalty ang usa ka opisyal sa pagkabalhin niini. (Reynald Timario)
