South Cotabato–Gikabutyag ni Police Colonel Joel Limson ang Provincial Director sa South Cotabato Police Provincial Office nga usa sa gilantaw nilang motibo sa pagpusil patay sa duha nga silang Manny Alvarez Diaz ug Violebet Guiamon ang posibleng kasuko sa mga nabiktima sa duha nga gipatay gumikan kay lambigitkini sa budol-budol gang.
Saysay pa ni Limson nga gumikan sa grabeng kasuko sa mga nabiktima sa budol-budol sa duha nga sagad mga Senior Citizen posibleng naghire matud pa kini ug mga hard killer aron mopatay ngadto sa mga biktima .
Nagtuo usab ang opisyal nga posibleng pagpanimalos kini ang nahitabo sa duha nga gipatay gumikan sa ilahang modus sa pagpangilad kung asa dagkong kantidad sa kwarta ang ilang makuha gikan sa ilang biktima.
Dugang pagbutyag ni Police Colonel Joel Limson nga gikan matud pa ang mga biktima sa Koronadal City Jail ug padulong sa usa ka mall sa nasampit nga syudad sakay sa trisikel.
Gisundan matud pa sa riding in tandem suspek ug pag-abot sa Gensan Drive pasado alas 12:00 sa udto didto na gipangpusil ang mga nasampit gamit ang kalibre.45 nga pistola nga miigo sa ilang ulo nga miresulta sa ilang kamatayon.
kahibaloan nga niadtong milabayāng September 11 una nang nasikop ang mga biktima sa kapulisan gumikan sa ilahang modus nga gihimo sa usa ka mall sa nasampit nga syudad kung asa usa ka senior citizen ang ilang nabiktima gani misuway pa kini ug hatag ug suhol sa kapulisan aron lang dili ipadayonang pagpasang-at ug kaso batok kanila.
