Giduso sa Philippine Drug Enforcement Agency (PDEA)-Bukidnon ngadto sa mga nagkadaiyang Local Government Units (LGUs) sa probinsya ang pagpanday og balaudnon nga mahimong basihan sa pagpatuman sa Drug-Free Workplace Program.
Gipasabot ni PDEA Provincial Officer Albert E. Orellan, IA III ang ka mahinungdanon sa pagbuhat niini nga baload aron dili masupak ang tawhanong katungod sa higayon nga mupatuman og mga lakang aron masuta nga wala naggamit og illegal nga druga ang mga elected officials sa gobyerno, trabahante sa pampubliko ug pribadong buhatan.
Lakip usab sa mga mahimong balaudnon ang paghatag og Employee Assistance Program aron mahatagan sa higayon nga mabag-o ang usa ka indibidwal nga biktima sa paggamit sa illegal nga druga.
Kini atol sa gipahigayong orientation sa Drug-free Workplace Program diin gitambongan sa mga Department Heads ug Empliyado sa Munisipyo sa Quezon, ug mga Kapitanes sa kabarangayan.
Facebook Comments
