Davao City – Kapin 30,000.00 ang kantidad sa mga gamit ug salapi ang natangag sa wa mailhing kawatan human gisulod ug gilungkab ang balay ni George Opsimar, 57 anyos, pasado alas 7:00 sa buntag nahitabo didto sa Purok 6 Nograles St. Bucana ning syudad sa Davao.
Saysay ni Opsimar ngadto sa kapolisan sa San Pedro matud pa wa niya mabantayi nga dunay tao kalit nisulod didto sa likod sa iyang balay ug iya na lang nadiskobrehan nga nahanaw na ang iyang sling bag nga dunay sulod nga mga cellphone nga mukantidad og 17,000.00 pesos lakip gikuha ang iyang salapi nga mukantidad og 15,000.00 ug uban pang butang.
Sa dihang iyang gipareview ang ang CCTV camera nasuta nga dunay wa mailhing tao ang misulod ug mikawat sa maong items ug salapi hinungdan igo nalang sa pagdangop sa kapolisan si Opsimar aron usab niya paimbestigahan ang maong insidente samtang ang kaso giduso na sa investigation section.
RadyoMan Don Pulayao
