Balay gironda-eksplosibo narekober

26

General Santos City—Sikop ang usa ka Edon Pendatun, legal age, nga taga Purok Maunlad, Barangay Apopong ning syudad atol sa gihimong ronda sa hiniusang pwersa sa kapulisan sa ilang panimalay alas 4:00 ang takna kagahapong adlawa sa Barangay Apopong ning syudad..

Narekober gikan sa panimalay sa nahisgutan ang tulo ka riffle grenade ug usa pa ka Granada.
Sumala ni Senalia Pendatun, asawa sa suspek nga dili ilaha ang mga narekober sa otoridad sa ilang panimalay. Wala matud pa sila masayod asa kini naggikan tungod permi man silang wala sa ilang balay gumikan sila busy sa ilang negusyo sa merkado publiko.
Tudo depensa usab ang suspek nga si Edon Pendatun, Iyang gihimakak nga iyaha ang mga explosibong narekober sa iyang panimalay. Sumala niini nga wala gyud sya naghupot ug bisan unsang matang sa armas ug eksplosibo.
Wala man usab sya nasayud asa kini gikan ug si kinsa ang nagbutang sa eksplosibo nga nakuha sa cabinet nga iyaha sa iyang anak.

Facebook Comments