Gisunog sa usa ka hubog nga construction worker ang ilang balay human matud pa napildi sa pusta sa away ni Senador Mannny Pacquiao batok Keith Thurman kagahapon.
Ang suspect nailang si Nick Pimentel, 23 anyos, dunay live in partner ug taga Sitio Kilakob, Barangay Pagatpat ning syudad sa Cagayan de Oro.
Matud ni Police Master Sergeant Senador Ostero sa Bulua Police Station nga niuli nga hubog ang suspect ug gikulata ang iyang live-in partner.
Nasayran nga sa dihang nakasibat ang iyang live-in partner, nadugangan ang kasuko busa gisunog niini ang ilang balay nga ginama sa mga light materials.
Gidugang ni Police Master Sergeant Ostero nga mga alas 3:55 kagahapon sa hapon nadawat nila ang tawag bahin sa sunog apan wala na ang suspect pag-abot sa mga pulis sa area.
