General Santos City –padayon pa karon ang gihimong imbistigasyon sa Police Station 3 kalabutan sa nahitabong pagpangransack sa balay anak sa Kapitan sa Barangay Lagao ning dakbayan sa Gensan nga nahimutang sa Agan Homes.
Una nang nagpakitabang sa buhatan sa Police Station 2 ang duha ka anak ni Lagao Kapitan Rolito Blando Sr. nga silang si Mary Ann og Jackelyn Blando human nga gisulod sa mga kawatan ang ilang panimalay.
Nasayran nga alas 5:00 sa kabuntagon na nadiskubrehan ang pagsulod sa kawalan diin wagtang ang cellphone nga nagkantidad og P35,000, mga alahas, dollar bill og Korean won, nga adunay kinatibuk-ang kantidad nga P700,000.
Nasayran nga giguba sa mga suspek ang lock sa pultahan sa entrada nga bahin sa maong panimalay ug gikawat ang mga importanteng butang nga ilang makit-an apil na ang kwarta.
Sa karon padayon pang ginasuta sa kapulisan sa lugar kung duna bay nakakita sa pagsulod sa katawhan.
