General Santos City—hilabihang kakulba ang gibati sa usa ka kanhing OFW human gisulod sa hubo nga kawatan ang iyang panimalay.
Igo nalang sa pagpatala sa buhatan sa Police Station 1 ang biktima nga si Jennifer Dacanine, 27 anyos, residente sa Salvacion, Kawa, Brgy Dadiangas West General Santos.
Natigayon kini bandang kaadlawon niadtong nakalabayng adlaw samtang natulog ang biktima sa iyang lawak, naalimungawan matud pa kini ug nakamata dihang nakita ang usa ka hubo nga lalaki nga bulaw ug buhok nga misulod sa iyahang panimalay.
Gikuha matud pa sa suspetsado ang cellphone niini nga nagkantidad ug P20,000. Nasayran nga unang pagtuo sa biktima siya nagdamgo lang ang nakuratan nalang kini dihang sa iyang pagmata iya gyud nakit-an ang hubo nga lalahi.
Paspas usab nga misibat ang kawatan dala ang Cellphone apan miambak matud pa ang suspek ug niambak sa ilang tarrace, apan swerting nahagbong ang cellphone sa biktima ug wala madala sa kawatan.
