General Santos – Pugos na gisulod sa mga kawatan ang balay sa usa ka negosyante sa Purok , Cawayan Barangay Cebuano sa lungsod sa Tupi, South Cotabato alas-8:45 sa gabie niadtong nakalabayng adlaw.
Giila ang biktima na si Norman Torres, 44 anyos, may asawa og residente sa maong lugar.
Basi sa Imbestigasyon, bag-o lamang nahuman og panihapon ang pamilya sa dihang gisulod sila sa tulo ka nakamaskara nga suspetsado. Gitiunan ug pusil ang negusyante ug gihapak pa kini ug armas.
Ang biktima naka angkon og minor injury human kini gi bunalan og pusil sa mga kawatan.
Gitangag sa mga suspek ang 32” inches TV, Cellphone, Relo, Sling Bag na may sulod nga alahas, netbook og cash nga P30,000 ingon man ang wallet sa biktima. apil nga gidala sa mga suspek ang motor siklo nga nakapark lang gawas sa balay sa negusyante.
Apil usab sa gibiktima sa mag suspek ang 55 anyos nga lalaki nga igo ra miagi sa balay sa biktima. gitangag sa mga suspek ang iyang Cellphone.
Sa karon, gina padayon pa ang ginahimong imbestigasyon sa Tupi Municipal Police Station kalabutan sa insidenti.
