Davao City-Nagpatala sa Talomo PNP ang usa ka pulis kay biktima sa pagpangransak samtang nahinanok kini sa pagkatulog.
Ang biktima mao si PO2 Marderoy Ligaspino, nagpuyo sa Elenita Heights Catalunan Grande Davao City ug kasamtangan nga na-destino sa Camp Quintin Merecido.
Sa imbestigasyon sa Theft and Robbery Section sa Talomo PNP,alas kwatro sa kaadlawon sa dihang migawas sa iyang lawak ang pulis iyang nadiskbrehan ang nagkatag nga butang sa ilang sala.
Sa dihang gisusi sa pulis, nahanaw na ang iyang mga gadgets sama sa cellphones, salaping cash nga mubalor 65 mil ka pesos ug ang Glock 17 pistol nga service firearm isip tinugyanan sa balaod.
Nasayran sa bintana miagi ang wala pa mailhing suspek pinaagi sa paghiwa sa screen ug gitangtang ang mga jalousie.
Nagpadayon pa ang mga pulis sa Talomo sa paghimo’g follow up investigation sa maong kaso sa pagpangransack.
Kasamang Erin Lumosbog
