BACOLOD CITY – Gintupok sang kalayo ang isa ka balay sa natabo nga sunog pasado las 10 sini nga aga sa Purok Mahimulaton, Brgy. Banago, Bacolod City.
Ang balay nga totally gutted by fire ginapanag-iyahan sang negosyante nga si Carlos Consolacion, samtang ang balay sang iya utod nga si Jovy Consolacion ang nag-angkon man sang gamay nga sunog.
Suno sa mga kaingud, nakibot sila sang hinali na lamang nga pagtuhaw sang amo nga sunog.
Ini nga balay ang human sa light materials kag wala na naglaton pa sa kaingud bangud ini ang napalibutan sang kudal.
Matapos ang halos 30 minutos, napalong man ang kalayo kasunod sang madasig nga pag responder sang mga katapo sang Bureau of Fire Protection kag iban pa nga volunteer fire brigade./ Winston Temblor/ RMN photo
