BACOLOD CITY – Ginsulod sang kapin walo ka mga tawo ang balay sang duha ka mga ginasiling organizer sang grupo nga Kadamay sa isa ka separado nga insidente sini gid lamang nga kaagahon sa Brgy. Mansilingan, Bacolod City.
Nakilala ang mga biktima nga sanday Violeta Larit, 49 anyos kag Alma Larit, 49 anyos, lunsay kasado kag pumuluyo sang Purok Mahili-ugyon, Brgy. Mansilingan, ciudad sang Bacolod.
Suno kay Violeta nga may mga las 2:30 sini gid lamang nga kaagahon, samtang naga-katulog sa iya balay, hinali na lamang nga may nagsulod nga 2 ka mga lalaki nga indi niya kilala kag armado sang baby armalite kag .45 calibre sang armas.
Pahayag sang biktima nga gin-guba sang mga suspek ang 2 nila ka pwertahan, ginpahapa sa salog kag ginhambalan nga “huwag kayong matakot, may hinahanap lang kami na Loida ang pangalan.”
Samtang, ginpahayag naman sang isa pa gid ka biktima nga si Alma nga sang amo man nga inoras, ginsulod man ang iya balay sang kapin 6 ka mga tawo kag pwersa nga gin-guba ang mayor nga pwertahan sang iya balay.
Suno kay Alma ginmanduan sila nga mag-gwa sa ila balay kag nagpamangkot ang mga ini kon bala ara didto ang ila ginapangita nga ginahingadlan kay Celine Torres.
Matapos ang insidente, gilayon man nga naglakat ang mga suspek sakay sang wala matumod nga salakyan kag nagpalagyo sa wala mahibaluan nga direksyon.
Ini nga kaso ang gina-usisa na karon sang mga katapo sang Police Station 7.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
