Davao City – Nanawagan gihapon ang ubang mga ginikanan sa Davao del Sur nga i-extend pa ang suspensyon sa mga klase sa tanang lebel sa mga skwelahan sa nasangpit nga probinsya human naapektuhan sa sunod-sunod nga linog sa Mindanao.
Sumala sa usa sa mga residente sa lugar nga si Christopher Sinoy, matud pa mas maayo pang i-extend og usa pa ka semana ang klase gumikan nangahadlok gihapon sa linog ang katawhan sa probinsya.
Subay kini sa gianunsyo sa Department of Education o DepEd XI nga padayon ang ilang pag atiman nga mabalik na sa normal ang klase sa Davao del Sur sa di madugay ug aron di na muabot pa sa Enero 2020 ang balik klase sa lugar.
Matud sa pamahayag ni DepEd XI regional director Evelyn Fetalvero nga ginaasikaso na sa DepEd central office ang pondo alang sa konstruksyon sa Temporary Learning space o TLS.
Kahinumduman nga naglusad og survey ang mga skwelahan sa probinsya og mas maayo ba nga sa January 2020 nalang ibalik ang normal nga klase sa lugar diin kadaghanan sa mga ginikanan miuyon niini.
RadyoMaN Renz Barbarona
