Human an pag igo sa mag.5.5 na linog sa Surigao del Sur kagaina alas 4:42 sajo sa buntag,Hulyo13,2019 padajon na mihimo kuman nan pagkuha an lokal na mga opisyal sa Surigao Sur nan report kon pipila gajud ka mga panimayay ,istraktura sanan an naapektuhan na mga residente sa mga lugar na apektado sa makusog na paglinog.Sa nakuha na impormasyon sa RMN Surigao gikan ni Andrew Montenegro na nakabase sa Tandag ,Surigao del Sur na arang na mga edipisyo pareho nan simbahan,mga bayay ,eskuylahan,hotel public market sanan ospital an nadaut sa amu na linog lakip an mga lupa na nangasiak sa mga munisipyo nan Carrascal,Madrid lakip na an Cantilan. Jauy isab mga na injured na mga residente lakip na nawaya an ila koryente tungod kay nadaut an poste na ija sa NGCP 69KV line o Placer to Madrid line.Hinuon sajo kuman gabii,tagbutyag nan NGCP Caraga Regional Communications and Public Affairs Officer , Kristoffer Abellanosa na nabalik na o nadajaw na an ila linya alas 8:27 sa gabii.Ini nagpasabot na may kuryente na sa mga naapektuhan nan linog partikular na sa Carrascal,Cantilan Madrid sanan Lanuza. Sa pagkakuman,padajon pa na mihimo nan assessment an mga opisyal sa mga kamunisipyuhan sakop sa Surigao del Sur para mahibaw an kinatibuk an na damyos sa amu na linog.( Photo courtesy of Andrew Montenegro)
