Davao City – Mas gitagaan karon ug importansya sa munisipyo sa Magsaysay, Davao del Sur ang safety sa katawhan inay nga unahon ang pagkuha sa mga natanggong gikan sa syudad sa Davao nga pasulod sa ilang lugar.
Sumala ni Anthony Allada, Magsaysay Davao de Sur Information Officer, gikinahanglang ipailawom sa 14-day quarantine period ang mga mosulod sa Magsaysay gikan denhe sa Davao ug uban pang lugar diin adunay positibo sa COVID-19.
Matud ni Allada, bisan ang ilang mga personahe nga mokuha o mosundo gikan sa laing lugar inig abot sa ilang lokalidad ipailawom gihapon kini sa quarantine aron maseguro nga dili makasulod ang makalilisang nga virus.
Samtang dili kumbinsido si Allada nga ang pagpapauli sa mga na-stranded maka-decongest sa tapoktapok sa tawo ug makapugong sa pagkaylap sa maong balatian.
Matud ni Allada, mas maayong sundon na lamang ang tanang mga guidelines nga gipatuman sa lokalidad diin didto nahimutang hangtod nga matapos ang quarantine period.
RadyoMaN Bernard Pantallon
