BACOLOD CITY – May estimate nga kapin 1.8 million ka mga estudyante ang nagbalik na sa eskwelahan sa pagsugod na sang klase kahapon sa bilog nga Western Visayas halin sa kindergarten pakadto sa senior-high school.
Suno kay DepEd Regional Spokesperson Lea Belleza nga nag-taas ang enrollment sa Region 6 bangud man sa ila ginpatigayon nga early registration sumugod sa bulan sang Enero.
Nahibalu-an nga sa bilog nga Western Visayas kapin sa 4,574 ka mga eswkelahan nga gina-lakipan sang pre-school, elementary kag high school.
Angut sini, base sa record sang Dep-Ed Planning and Research Division ang mga enrollees ginalakipan sang kindergarten nga may 138,247 estudyante, elementary – 975,093; junior high school – 540,020; senior high school – 157,686.
Sa bilog man nga Western Visayas, kapin sa 58 mil tanan ang mga classrooms.
Sa Division of Negros Occidental, may ara sang 95% nga attendance ang mga estudyante.
Ang probinsya ang may ara sang 498 ka mga elementary schools, 93 ka mga junior high school kag 82 ka senior high schools.
Nagsaka naman sang 5,000 ang mga enrolees subong nga school year, ukon 397,000 kumpara sa 395,000 sang nakaligad nga SY 2017-2018./Sab Benueza photo
