BACOLOD CITY, NEGROS OCCIDENAL – Nagdagsa balik sa eskwelahan sini nga adlaw ang mga estudyante sa pampubliko nga mga buluthu-an sa elementary kag high school kasunod sang pagbukas na sang klase.
Nangin minimal na gid lamang ang gin-atubang nga concern sang mga eskwelahan bangud sang preparasyon nga ginpatigayon sang tagsa ka mga buluthuan pinaagi sa pagpatigayon sang Brigada Eskwela sang nagligad nga semana.
Lakip sa preparasyon amo ang police visibility sa mga dalagkuan nga eskwelahan lakip na ang doble nga enforcement sang BTAO.
Samtang, nagpahayag naman sang kahandaan ang mga pampasahero nga salakyan nga serbisyuhan ang mga estudyante nga magabalik eskwela subong nga adlaw.
Ginpahayag sang secretary general sang UNDOC nga si Diego Malacad nga magapabilin nga P5 pesos ang plete sang mga estudyante, persons with disability kag mga nagabusong, samtang P6.50 naman sa mga regular nga pasahero./Andy Alvarez photo via The Visayan Daily Star
