Davao City – Nakabsan na sa kinabuhi ang katabang human kini napusilan atol sa away sa mag live-in partner sa Susana Homes, Baliok, Davao City niatong Marso 7, 2023.
Giila ang biktima nga si Catherine Langgam, 25 anyos.
Sa interview sa DXDC RMN Davao kang Police Major Romeo Mapanao, Station Commander sa Baliok Police Station, gisulti niini nga double murder case ang gipasakang kaso sa suspek nga si Frederick Gerona San Felix gahapong adlawa, Marso 8, 2023.
“Subo nato gibalita nga namatay tong katabang, duha na kaso nga murder ang atubangon ni Frederick Gerona San Felix. Ang pamilya sa biktima moapil to sila moabot sa korte sa pagpasang-at sa kaso ug ang pamilya ni Catherine,” sulti ni Mapanao.
Kahinumduman nga igo lang mi-ulang ang katabang sa away sa mag-live in tungod sa selos diin gipusil sa suspek ang partner niini nga si Zindy Flores Floreindo nga on-the-spot namatay.
RadyoMaN Don Pulayao
Facebook Comments
