Balitang Dugtungan: Una, Balita gikan sa RMN GenSan:
Alegasyon nga pulis ang nag paluyo sa patay sa GenSan, walay kamatuoran-GSCPO
General Santos City–Wala matud pay kamatuoran nga pulis ang nag paluyo sa mga sunod-sunod nga pag pamusil patay sa General Santos City.
Kini ang gibutyag ni Police Sr. Inspector Davis Dulawan ang tigpamaba sa General Santos City Police Office.
Matud ni Police Sr. Inspector Dulawan nga dili kini mao ang mandatu nga gihatag ngadto sa kapulisan sanglit trabaho nila ang pagsulbad sa mga krimen nga nahitabo sa ilahang area of responsibility busa walay basihan ang maong aligasyon.
Dugang pa niini nga naanad na usab sila sa ingon niining mga aligasyon tungod kay matag adunay mahitabo nga pagpamusil gilayon dayon kining ipasangil sa kapulisan.
Apan pagpaklaro ni Dulawan nga normal lang alang sa kapulisan nga himo-himuan og sala tungod sila aminado nga daghan gyud sila og naligsan sa ilang mga operasyon.
Balita gikan sa RMN Butuan: Tulo ka drug suspect, sikop
Nasikop sa kapulisan ang tulo ka mga suspek sa pagpayuhot sa illegal nga drogang shabu sa gikasang drug buy bust operation mga ala una kagahapon sa kaadlawon sulod sa usa ka lodging house sa Butuan City.
Nakuha sa Intelligence Operatives sa Butuan City Police Office (BCP) ang mokabat sa 29 grams suspected shabu gikan sa tulo ka mga suspek nga giila’ng sila si Rico Quisada, Rudy Lolo ug usa ka Alyas Archie – kinsa pulos residenti sa Bislig city, Surigao del Sur.
Nag-check in ang tulo ka mga suspek sa Ultimate Apartelle, Capitol drive sa Butuan City ug didto nag-transack sa ilang dalang droga.
Ulahi na nasayran sa mga suspek nga pulis nga sakop sa Intelligence Operativce sa BCPO ang ilang ka-transaksyon nga miresulta sa ilang pagsikop.
Samtang gihikay na sa kapulisan ang kasong paglapas sa RA 9165 kon Comprehensive Dangerous Drugs Act of 2002 nga ipasaka batok sa tulo ka mga suspetsado.
Balita gikan sa RMN Iligan: Mga IDPs sa Marawi nakadawat og Bakery ug Bakery kits alang sa ilang livelihood program
Tulo ka mga Bakery ug dose ka mga bakery kits ang gihatag sa Pilmico Foods Corporation alang sa mga biktima sa giyera sa Marawi City.
Niadtong Huwebes, pormal nga giturnover sa mga namunoan sa Pilmico ang maong mga gamit sa bakery ug bakery mismo sa tulo ka mga relocation site sa Marawi.
Malipayong gidawat sa mga IDPs ang maong mga mga donasyon gumikan kay dakong tabang matud pa kini sa ilang pagbangon ilabina sa inadlaw-adlaw nga panginabuhi.
Usa kini sa gitawag nga kawiyagan alang sa mga IDPs sa Marawi o livelihood program.
Kini kabahin sa Corporate Social Responsibility o CSR sa Pilmico Foods Corporation.
RMN Malaybalay: Release sa 4P’s sa mga na-isyuhan na og cash card lauman karong semanaha
Lauman nga karong semanaha magsugod na ang release sa Pantawid Pamilya Pilipino Programa kon 4P’s.
Sa interview sa RMN Malaybalay ngadto kang Oliver Inodeo, ang focal person sa 4P’s region 10 gibutyag niini nga posibleng karong semanaha magsugod na ang release sa casd grants alang niadtong mga aduna nay cash card.
Gipasabot ni Inodeo nga kamulo pa ang re-carding alang niadtong mga over the counter kaniadto ug uban nadawat na niini ang ilang cash card.
Apan gipasabot niini nga kaniadtong bag-ohay pa lang na proseso sa Land Bank of the Philippines, gipahulat kini tungod kay hapit na usab matud pa mahuman ang pagproseso.
Giklaro niini nga wala nay over the counter nga release kon dili pinaagi na sa ATM.
Tumong matud pa niini nga malikayan ang pagkalangan sa pagrelease sa cash grants sa mga benepisiyaryo.
