Geneva- Gina-imbestigahan na karon sa mga kapulisan sa Geneva kung asa naggikan ang kwartang euro nga mokabat sa 100,000 US dollars kon anaa sa 5 milyon pesos nga gilabay lang sa CR sa usa ka bangko og 3 ka mga restaurants.
Sa report sa Tribune de Geneve, nakaplagan ang gilabay nga kwarta sa inidoro sa UBS Bank.
Dungan usab niini, laing bulto sa kwarta ang nakit-an sa CR sa tulo ka mga restaurants ang nakabarang nga tag-500 nga euro notes.
Dili man usab makonsidera sa mga imbestigador sa ‘dirty money” ang kwarta nga nakuha sa mga inidoro.
Gikumpiska sa mga autoridad ang nakuha nga kwarta sa inidoro apan ang problema nila karon kung asa iuli ang maong kwarta.
Kung kahibaloan nga una ng gibutyag ni European Central Bank nga iundang na ang paggamit sa 500- euro note tungod sa kabalakang gigamit kini sa mga sindikato.
