General Santos City–Nangayog pakitabang sa RMN Gensan ang usa ka OFW nga si Geline Bayan Aman nga taga Tboli, South Cotabato, nagtrabaho isip Domestic helper sa Nasud Jedah human dili na niya maagwanta ang kakapoy sa iyang trabaho sa balay sa iyang amo.
Sa Eksklusibong pakighinabi sa RMN Gensan kang Geline, iyang gibutyag nga dili sya ka pahuway sa iyang trabaho tungod dili sya gustong paundangon ug trabaho sa iyang mga amo.
Nasayran nga tulo palang ka bulan nga nagtrabaho si Geline sa iyang amo ug buot na unta niining muhawa tungod sa kakapoy nga iyang nasinatian.
Dugang pagbutyag ni Geline nga bisan sa iyang pagkaon dawsa gihikawan siya ug higayon sa iyang amo.
Sumala pa nga wala gyoy bisag gamayng konsiderasyon ang iyang amo tungod bisan nga wala pa sya kahuman ug kaon siya suguon ug patrabahuon na. Gani sumala pa dawsa maparalisa na ang iyang mga tiil tungod sa walay undang nga tindog ug walay undang nga trabaho.
Giangkon usab ni Geline nga siya nagpatabang na sa iyang Agency aron nga siya marescue gikan sa balay sa iyang amo. Apan hangtud karon wala pamay nirescue kaniya.
Niasaad na usab ang iyang amo nga siya tugutang makauli sa Pilipinas karong bulan sa Agusto apan alang kaniya dili na niya huwaton pa ang sunod bulan tungod siya mahadlok nga dili na kaya sa iyang lawas ang trabaho.
