North Cotabato—Mukabat ngadto sa kapin 130 ka mga managlahing matang sa armas ang gisurender sa mga sibilyan ug mga Barangay Officials didto sa North Cotabato sa nakalabayng adlaw.
Nasayran nga pormal nga gipahigayon ang turn-over ceremony sa Pikit, North Cotabato nga gipangunahan sa mga opisyal sa lungsod ingon man sa probinsya.
Gilayon usab nga giturn-over sa 6th Infantry (Kampilan) Division ug sa PNP Regional Office 12 ang maong mga pusil.
Nasayran nga ang aktibidad alayon sa gipatumang balik baril program ni President Rodrigo Duterte.
Samtang gipasalamatan usab sa mga tag-as nga opisyal sa militar ug sa kapulisan sa Rehiyon `12 ang inisyatibo sa lokal government unit sa lungsod sa Pikit nga nag-awhag sa mga sibilyan nga isurender ang ilang mga armas nga dili lesensyado.
Samtang gipasalamatan sab sa awtoridad ang mga bag-ong pili nga mga barangay Officials gumikan usab sa pagtahan nila sa ilang mga armas.
