Mikabat sa balor 147k nga mga meat products ang nakompiska (Juyl 27, 2020) sa City Veterinary Office sa Animal Quarantine Checkpoint nga nahimutang sa Brgy.Puerto.
Nasayran nga karga kini sa usa ka van gikan sa Cotabato, kinsa adunay sulod nga 128 boxes sa hotdog ug 6 bags sa assorted chicken meat nga adunay timbang 120 kilograms nga nagkantidad og P147,840.
Ang maong mga produkto ang naharang human nga pakyas ang driver sa van sa pagpakita sa kinahangan nga dokumento, kinsa nakalapas sa Republic Act 9296 o Meat Inspection Code of the Philippines.
Nasuta nga daot na ang karneng manok lakip na mga hotdog.
Gumikan niini, nagpahinumdom ang City Veterinary Office ngadto sa mga negosyante, nga kanunayng ipa accredit ang ilang mga kargahan van sa National Meat Inspection Service.
Facebook Comments
