General Santos—Samad sa iyang tyan ang naangkon sa usa ka bana nga itago lang sa pangalang Alias Guido, legal age nga taga Jose Abad Santos, Davao Occidental human nga gidunggab sa iyang asawa human nabitin sa ilang pakighilawas alas 2:55 ang takna sa kabuntagon.
Subay sa nahipos nga report sa Dr. Jorge Royeca Hospital, ayha nahitabo ang pagpanunggab, nag-sige ug hangyo matud pa ang bana ngadto sa iyang asawa nga makighilawas, apan wala matud pa nisugot ang asawa tungod kay gikapoy ang lawas niini.
Sa kadugayang hangyo sa biktima misugot ang iyang asawa apan ang problema ang biktima na usab ang walay kondisyon sa lawas mao nga wala kini milahutay.
Tungod niini nasuko ang asawa mikuha ug icepick ug gidunggab ang iyang bana igo sa tyan nga bahin.
Hinuon dili man grabe ang samad nga naangkon sa biktima ug human natambalan, siya nakagawas ra usab sa ospital.
