Naka-angkon sang third degree burn ang isa ka bana matapos nga gin-sunog ang iya kaugalingon.
Natabu ang insidente pasado alas 11:30 sini lang nga aga sa Barangay Patic, sa banwa sang Pulupandan.
Ang biktima ang isa ka 43 anyus, residente man sang amo nga lugar.
Nagsugod ang insidente sang nag-inaway sila sang iya asawa sa diin nangin *masingki *ang ila pagpalisay.
Bangud sa ka-init sang asawa, iya gin-kuha ang ila nga ‘marriage contract’ kag gin-kumos sa atubang sang iya bana.
Apang wala gid ginpatup-an sang bana ang iya asawa kundi nag-kuha ini sang gasolina, gin-bubo sa iya kaugalingon kag gin-sindihan.
Bangud sini naka-angkon sang 3rd degree burn ang biktima kag padayon nga gina-bulong diri sa Regional Hospital.
Facebook Comments
