Sindangan, ZDN-Prisohan ang gitugpahan sa usa ka bana kinsa namukbok sa iyang asawa, nahitabo kini niadtong adlwang Domingo sa may 10PM.
Didto kini nahitabo sa Brgy. Joaquin Macias, Sindangan, ZDS sa sulod mismo sa pinuy-anan sa pamilyang Empap.
Matod pa nga si Roberto Empap, usa kini ka barangay tanod, sa mao nga barangay.
Sa gihimong makuti nga imbisitigasyon sa kapulisan kini si Roberto ug ang asawa nga si Mosa Empap, hubog kini sila niadtong higayona ug niadtong puntoha nagkalalis kini sila.
Ang asawa niini nga si Mosa dali nga mikuha sa mahait nga sundang ug walay pagduha-duha nga mitigbas sa iyang bana, apan swerte sab nga nakalikay ug mipunit kini sa lipak nga maoy gibunal ngadto sa iyang asawa nga miresulta sa pagka bun-og sa ulo niini.
Sa kasamtangan padayon nga nagpa alim ang asawa sa bun-og nga iyang nahimo, gimahayan sab sa iyang bana ang nahimo nga pagpasipala ngadto sa iyang bana.
