Patay nang nakit-ang nagbitay sa ilang pinuy-anan ang 54 anyos nga bana.
Kini nailang si Prodencio Galacio Palarca nga taga-Zone 6, Capisnon, Barangay Kauswagan ning syudad.
Basi sa imbistigasyon sa kapulisan sa Carmen Police Station, nga naabtan na lamang sa mga otoridad si Palarca sa kusina nga bahin sa balay niini nga nagbuy-od na sa salog human giputol na sa mga paryente ang pising nakahikot sa liog.
Gani anaa pa ang pisi sa liog sa biktima dihang gikuha kini gikan nagbitay sa usa ka kahoy sa taas nga bahin sa ilang balay.
Gibutyag ni Police Senior Insp. Demver Vergara, ang Station Commander sa Carmen Police Station nga gibutyag sa asawa sa biktimang ikaduha na kini nga pagsulay og hikog sa iyang bana tungod sa stress.
Gani, gisulayan pa usab kini sa kapulisan pagdala sa J.R Borja Hospital sa pagtuong aduna pa kini pulso apan walay swerte tungod kay wala na matabang pa ang biktima kinsa gideklarar na kining dead on arrival.
Tungod niini, gipahimutang na lamang sa Bollozos Funeral Homes ang biktima human nga nagdumili na usab ang pamilya sa pagpa-otopsiya sa patayng lawas niini.
