LA CASTELLANA, NEGROS OCCIDENTAL – Magapangatubang sang kaso nga parricide ang isa ka bana nga suspek sa pagpatay sang iya man lamang kaugalingon nga asawa sadtong Martes sa Sitio Sambag, Brgy. Camandag, La Castellana.
Ang suspek nga si Juanito Legaspi, 50 anyos ang edad, pumuluyo sang Sitio Sambag, Brgy. Camandag sang amo nga banwa ang nadakpan sa hot pursuit operation nga ginpatigayon sang La Castellana PNP mga las 3 kahapon sang hapon sa Hda. San Remegio, Brgy. Crossing Magallon, Moises Padilla.
Madumduman nga sang nagligad nga Martes, January 9, 2018 pasado las 11 sang gab-i nagpauli nga hubog ang suspek kag iya ginhangkat away ang iya asawa na si Jenny Legaspi, 46 anyos ang edad.
Ang amo nga away nagresulta sang pagbuno sang suspek sa iya asawa sa atubang mismo sang ila 11-year old nga anak kon diin nag-angkon sang kapin 7 tanan ka pilas tuga sang pagbuno ang biktima.
Matapos ang insidente, gilayon nga nagpalagyo ang suspek apang ini siya ang nadakpan man kahapon./dyHB BACOLOD
