BACOLOD CITY – Patay ang isa ka lalaki matapos nga ini ang naghikog pinaagi sa pagbitay sa puno sang kahoy sini gid lamang nga kaagahon sa ila balay sa Sto. Niño Village, Brgy. Villamonte, Bacolod City.
Ang biktima isa ka 28 anyos nga lalaki, may kabataan, wala sang trabaho kag binayaan sang iya asawa.
Suno sa stepbrother sang biktima nga may mga las 5:30 sini gid lamang nga kaagahon, nakibot sila sang nasapwan na gid lamang nga nagabitay na sa puno sang kahoy nga Gmelina ang amo nga lalaki.
Nahibaluan nga ang biktima ang problemado matapos ini ang ginbayaan sang iya asawa bangud nga ini ang nagabisyo kag naga-gamit sang illegal nga druga.
Ini sila ang may tatlo ka mga kabataan nga mga magagmay pa.
Pahayag pa sang amay sang biktima nga gina-problema niya ang iya anak bangud nga nadalman na ini sa drugs kon diin pati ang ila mga kagamitan ang ginabaligya na niya sini para lang may ma-suyup.
Kaagi pa suno sa stepbrother nga pati ang battery sang iya ginagamit nga suga sa pagbaligya sang fishball ang nabaligya sang iya utod para lang sa shabu.
Nakita sini ang iya asawa nga may iban na nga lalaki sa facebook rason pa gid kon ngaa ini ang naglalain kag ginhigot ang iya liog sa pisi kag ginbitay sa kahoy kag ginsikaran ang bangko nga iya gintungtungan. /dyHB BACOLOD
