MURCIA – Patay sini gid lang mga pasado las 9 sang aga Marso 31 ang isa ka tawo nga ginkilala kay Richard Catague sang Barangay Salvacion matapos nga tiruhon sang apat ka beses sang riding in tandem sa sulod sang iya haloblakan.
Suno sa asawa sang biktima nga si Barangay Kagawad Evangiline Catague nagpakilala nga ma-order sang balas ang duha ka mga suspetsado apang hinali lang nag bunot sang kalibre 45 nga armas kag gintiro sang apat ka beses ang iya bana.
Igo sa dughan ang naagom sang biktima nga gintunaan sang iya gilayon nga kamatayon.
Sa initial nga imbestigasyon, problema sa kwarta ang motibo sa pagpatay.
Facebook Comments
