Banana plantation giharass sa NPA- truck ug gambalay gisunog

226

General Santos City— gi-harass sa grupong New People’s Army (NPA) ang banana plantation nga iyaha sa Phela resources  nga gipanag-iyahan ni Pat Amadeo nga nahimutang sa Sitio Paopao, barangay Sinawal, General Santos City.


Alas 4:00 ang takna kaganinang kabuntagon  dihang gisunog sa mga armadong grupo nga sakop sa guerilla Front 73 nga nag lihukan sa kabukirang bahin sa T’boli ang banana plantation ug gisunog ang usa ka unit sa Trailer truck, container van ug (1) ka motorsiklo. Apil usab sa gisunog sa mga rebelde ang opisina ug bodega sa maong sagingan.


Sumala sa mga testigo bandang kaadlawon dihang gibulabog sa gibana-banaang 30 ka mga armado ang lugar diin ilang gidis-armahan ang duha ka  mga Cafgu nga nakabasi sa outpost sa lugar. Gidis-armahan usab nila ang gwardya sa maong plantasyon.


Pagsibat sa mga suspek, ila pang gidala ang usa ka truck ug jeep nga ilang gikargahan ug saging ug mga supply nga ilang gikuha sa canteen ug ilang gisakyan sa pag sibat gikan sa lugar. Nasayran nga apil ang driver ang ilang gidala apan pag abot sa nabukid nga bahin sa T’boli ilang gipabalik ang driver dala ang sakyanan.


sa inisyal nga imbistigasyon migula nga mukabat sa P7,000,000.00 ang danyos sa maong sunog.


Sa karon padayon ang gihimong paggukod sa militar ngadto sa armadong grupo kansa gituohan nga anaa na sa kabukiran sa T’boli. Hugtanon usab nga gikondina ni Col. Tiny Bañas, Commanding Officer sa 1002nd Brigade Philippine Army  ang gihimong pagpangharass sa mga rebelding grupo.





 

Facebook Comments