Ipahigayon sa kagamhanang lokal ning syudad ang Bangga sa Daygon karong umaabot Disyembre singko ning tuiga sa alas tres sa hapon sa SM City Uptown.
Sa maong kalihukan mag-agbat ang nagkadaiyang glee clubs o’ choral groups sa pribado ug pampublikong tunghaan sa elementarya sa dakbayan.
Nasayran nga ang maong choral competition kabahin sa kalihukan sa Pasko de Oro nga gipasiugdahan sa City Tourism and Cultural Affairs Office ubos ni Ms. Gladys Gabucan, uban sa pag-abag ni Kagawad Jay Roa-Pascual, chairman sa komitiba sa turismo ug City Tourism Council ubos ni Ms. Dorothy Jean Pabayo, ang council chairperson.
Matud sa City Information Office nga ang first placer makadawat og 25-mil pesos nga premyo ug trophy, second placer makadawat og 20-mil pesos ug trophy, third placer makadawat sa 15-mil pesos ug trophy samtang tag tres mil pesos ang gigahin alang sa consolation prize winners.
Nasayran nga ang entry forms makuha sa City Tourism and Cultural Affairs Office sa city hall ug gitakda sa Nobyembre 23 ning tuiga ang deadline sa pagpasa sa mga entry.
