Sugatan ang isang drayber ng motorsiklo matapos itong aksidenteng maibanggasa toyota innova aktong pagliko nito sa kahabaan ng National Highway sa Brgy. Batal, Santiago City.
Kinilala ang sugatan na si Rustom Callangan, 18 anyos, walang asawa at residente ng Maligaya Echague, Isabela, habang ang drayber naman ng toyota innova ay kinilalang si Jose Maynard Lucena, 52 anyos, may asawa at residente naman ng San Vicente, Jones, Isabela.
Batay sa report ay nasa proceso umano ng pagliko sa pambansang lansangan sa naturang lugar si Lucena ng akto namang magovertake si Callangan sa nakahintong sasakyan sa harap nito at dahilan upang aksidenteng bumangga sa sasakyan ni Lucena.
Dahil dito ay natumba ang suspek na dahilan upang magtamo ng sugat sa katawan habang ang kanilang mga sasakyan ay nagtamo din ng pinsala.
