Davao City – Ginapangita pa karon sa mga sakop sa Philippine Coast Guard 11 (PCG-XI) kauban ang mga personahe sa Urban Search and Rescue sa Central 911 ang usa ka 21 anyos nga lalaki nailang Clark Jason Lauronal samtang luwas iyang kauban nga uyoan nga si Joseph Lauronal, pareho residente sa San Juan Village, Brgy. Centro Agado siyudad sa Davao.
Kini human na-unlod ang banka nga ilang gisakyan pasado alas-7:00 adlaw’ng Martes sa gabie sa lawod sa kadagatan sa South San Juan, Brgy. Centro Agdao ning dakbayan.
Sa inisyal nga imbestigasyon sa kapolisan, gisaysay ni Edison Casayuran nga nagkasinabot ang iyang anak nga si Clark Jason kauban ang iyang pag-umangkon nga si Joseph aron sa managat.
Pag-abot sa lawod sa kadagatan partikular sa tunga sa Samal Island ug Davao Gulf, kalit matud pa naunlod ang ilang gisakyan nga bangka gumikan sa ka kusog sa balod.
Swerte nga nakalangoy si Joseph gamit ang gallon container paingon sa baybay samtang wala niini naluwas ug naunlod na si Clark Jason kinsa padayon pa nga ginapangita.
RadyoMaN Don Pulayao
