Yara na sa advance state of decomposition sang masapwan ang isa ka call center agent sa sulod sang iya nga puluy-an sa Terese 1, Eufemia Village, Barangay Taculing syudad sang Bacolod sini nga aga.
Ginkilala ang biktima kay Elbric Lagradilla, 52 anyos, soltero kag nagatrabaho sa Teleperformance bilang isa ka call center agent.
Sa imbestigasyon, ini ang naga-isahanon sa iya nga puluy-an sang masapwan nga yara sa banyo kag ginapatihan nga magapaligo para magpadulong sa iya sini nga trabaho kag ginabulubanta nga apat na kaadlaw sang ini ang napatay bangud miyerkulis nga adlaw siya ang katapusan nga nakit-an sang mga kaingod.
Suno sa otoridad, may yara sang history sang heart attack sang nagligad nga tuig ang biktima. Wala naman sang foul play nga nakit-an bangud wala man sang injury sa lawas sini.
[image: image.png]
