Gilayon nga ginlubong ang bangkay sang isa ka lalaki nga Badjao nga nasapwan na lamang nga patay pasado las 12 sang udto kahapon nga adlaw sang Miyerkules, Hunyo 24 sa Palanca Road, Brgy. 10, ciudad sang Bacolod.
Ginpahayag ni Bacolod City Police Office Spokesperson P/Lt. Col. Ariel Pico sa interview sang DYHB nga ini kasunod nga wala sang may pamilya nga nag-claim sa bangkay kag wala man sang may naka-kilala sa iya matapos nga ini ang ginpa-identify sang pulis sa mga Badjao.
Suno kay Pico nga wala man natumod ang kawsa ukon ginkabangdan sang kamatayon sang biktima rason nga ginpakamaayo sang City Health Office nga ipalubong ang bangkay.
Bangud sini, kahapon sang hapon gilayon nga ginpalubong sa Handumanan Public Cemetery ang bangkay sang amo nga Badjao.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
