Nag-abot sa banwa sang Murcia subong nga adlaw ang utod kag bata sang napatay nga drug king pin matapos ini nagbato sa mga otoridad sa isa ka manokan sa Purok 8, Brgy. Minoyan.
Nag-abot sa banwa si Lilibeth Mercader, utod sang napatay nga si Jennifer Mercader kag ang bata sini nga si Julie Jane agud i-proseso ang iya bangkay kag madala ini sa probinsiya sang Cebu subong nga adlaw.Sa interview sang DYHB kay Murcia Municipal Police Station Chief, Lt. John Paul Tabujara, wala naman sang plano ang pamilya nga ipa-autopsy pa ang bangkay.
Samtang, ginpahayag ni Tabujara nga gin-ako man mismo sang himata ni Mercader nga involve gid man ini sa iligal nga druga kag isa man ini ka gun for hire sa diin masobra na sa 50 ang iya napatay nga kalabanan kontra sang mga pulitiko kag iya man mismo kakompetensya sa drug running activity.
Sa karun, ginapangita pa man sang Murcia police ang asawa ni Jennifer nga ginapahayag upod sini sa balay sang sila ang gin-operate sang mga otoridad sang Lunes.
[image: image.png]
