Isa ka bangkay sang lalaki ang nasapwan sa Garcesa Farm sa Prk. Mapag-on, Brgy Upper Klinan Polomolok, South Cotabato, pasado alas 7:00 kahapon sang aga, Oktubre 13, 2021.
Base sa nakuha nga identification card ginkilala ang biktima kay Reniel Labaca Lumances, 37 y/o, residente sang Prk Maliwanag Blk 4, Brgy Poblacion, Malungon, Sarangani Province.
Nakaangkon sang madamo nga buno sa iya nga lawas ang biktima nga nangin tunaan sang iya nga kamatayon.
Sa inisyal nga imbestigasyon, nagapatigayon sang inspeksyon sa iya nga uma si Joel Fordan Garcesa , 67 y/o, kag residente sang Prk Masinulondon, Brgy Upper Klinan, Polomolok sang nakit-an ang bangkay sang biktima nga gilayon man nga nagreport kay Brgy Capt. Roger Gomez.
Narekober naman sa crime scene ang isa ka unit sang Huawei color black cellular phone,isa ka unit sang Black Orange KR-Y-150 Rusi Motorcycle, isa unit sang black Honda XRM motorcycle.
Sa subong nagapadayon ang imbestigasyon sang Polomolok MPS sa posible pagkilala sa suspek kag motibo sa nasambit nga insidente.
