Nasapwan na lang nga wala na sang kabuhi ang bangkay sang isa ka lalaki kaina sang aga sa Purok Sampaguita, Barangay Malaya, Banga, South Cotabato matapos nga makadalin-as sa pader kag nahulog sa sementado nga kanal.
Suno kay P/Senior Inpsector Joseph Villanueva, Hepe sang Banga MPS, posibli kagab-i pa natabo ang insidente kag kaina sang aga lang nakit-an sang mga residente.
Dugang pa sang opisyal, ginsaka sang biktima nga ginkilala kay Hani Bayot Aquillo, 51anyos, soltero, mangunguma kag residente sang Barangay San Miguel, Norala, South Cotabato ang pader sa likod sang Barangay para mangihi ukon magtabok sa pihak nga dalan, apang bangud sa tuman nga kahulugbon aksidente indi nga nakadalin-as kag nahulog sa sementado nga kanal.
Posibli suno pa nga nalampos ang ulo sang biktima sa kanal nga nangin tunaan sang hinali sini nga kamatayon bangud sa nakita sini nga pilas sa iya ulo kag tiil.
Kaangot sini, ginaaligar nga nakadaug suno pa ang biktima sa bulang kahapon sang P40,000 kadungan sang kapyestahan sa barangay.
