Isa ka bangkay sang wala nakilal-an nga babaye ang nasapwan sa Sitio Awal, Barangay Lamba, Banga, South Cotabato pasado alas 8:00 kahapon sang aga, Hunyo 20, 2019.
Ginapatihan nga brutal nga ginpatay ang biktima sa diin naputos sa sako ang ulo kag lawas sini.
Nakasuksok naman suno pa ang biktima sang blue maong pants, pink T`shirt nga may tatak nga GUESS, may kataason nga 5 feet kag nagapang-edaron sang 25 tubtob 30 anyos.
Suno kay Banga Chief of Police, Major Joseph Forro sa subong nagapadayon ang ila nga imbestigasyon sa insidente kag hibalo sa identity sang nasambit nga biktima.
Sa subong ginahulat nila suno kay Forro ang imbestigasyon sang SOCO sa bangkay sang biktima.
Posible bag-o lang suno pa nalubong sa nasambit nga area ang bangkay sang biktima bag-o ini nnasapwan sang backhoe driver.
May-angot sini, ginaawhag ni P/Major Forro ang mga pamilya nga nadulaan sang himata nga makig-angot lang sa ila ukon magpadulong sa Southern Funeral Home sa Banga.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
