NEGROS OCCIDENTAL – Daku ang nabulig sa turismo sang Western Visayas, ang mga bisita nga nagpadulong sa Bacolod kag Negros matapos man sang anum ka bulan nga closure sang Boracay Island sang nagligad nga tuig.
Suno kay Department of Tourism, DOT-6 Director Helen Catalbas, nga apisar nga wala pa sila sang opisyal nga record, apang nagapakita nga nalampuwasan na sang Bacolod City kag Negros Occidental ang tourist arrival sang Aklan.
Ginpahayag pa ni Catalbas nga indi na nila mabalik ang kapierdihan sa bahin sang negosyo sa sulod sang 6 ka bulan, apang mas importante naman nga ma-rehabilibate ang isla sang Boracay.
Base sa 2017 record sang DOT, naglab-ot sa kapin 1.72 million ang mga turista nga nagpadulong sa Bacolod kag Negros sa diin kapin 100 mil diri ang mga foreign tourists./Jomax Peak photo
