BACOLOD CITY – Napabay-an nga kandila ang rason nga nagresulta sang pagka-sunog sang kapin 23 tanan ka balay sa Prk. Kabukiran, Brgy. Taculing, syudad sang Bacolod.
Suno kay Bureau of Fire Protection – BFP-Bacolod Investigator – Fire Office 2 John Mondido nga pasado alas-6 kahapon sang aga sang nagluntad ang sunog sa diin kapin sa 16 ka balay ang totally damaged samtang pito naman ang partially damaged.
Ginpahayag ni Mondido nga basi sa ila inisyal nga impormasyon nga nag-sugod ang kalayo sa second floor sang puluy-an ni Letecia Manculob.
Suno sa report nga nag-sindi sang kandila sang tag-balay bangud man nga brown-out sa amo nga area sumugod alas-4 kahapon sang kaagahon.
Madasig naman nga naglapta ang sunog bangud nga naga-ikit ikit lang ang mga balay sa Prk. Kabukiran, Brgy. Taculing sa diin kadam-an sa mga ini ang human sa light materials.
Base man sa inisyal nga assessment sang BFP, kapin sa 180 mil pesos ang cost of damaged sang sunog nga naglab-ot tubtob sa third alarm./ Photo: Chamber Volunteer Fire Brigade
