BACOLOD CITY – Patay ang isa ka lolo matapos nga wala ini naka-gwa sa iya kwarto sa natabo nga sunog pasado las 12 kaina sang kaagahon sa Purok Hollow blocks, Brgy. Singcang Airport, Bacolod City.
Nakilala ang biktima na si Edison Hojilla, 81 anyos ang edad, pumuluyo sang amo nga lugar.
Suno sa pagpanu-aron sang anak sang biktima nga si Jerson Hojilla, 52, pasado las dose kaina sang kaagahon nakibot siya nga nagakarab-karab na ang balay sang iya ginikanan.
Pahayag ni Jerson nga dali-dali siya nga nagkadto sa balay agud salbaron ang iya ginikanan kon diin gilayon man sila nga naka-gwa.
Apang, siling ni Jerson, wala nila natalupangdan nga nagbalik gali sa sulod sang balay ang iya amay kag bangud naga-daba daba pa ang kalayo, wala na nakagwa ang biktima kag ini ang nasunog.
Nagapati si Jerson nga ginbalikan sang iya amay ang mga importante sini nga papeles kaangay sang iya SSS nga ID kag iban pa.
Sang napalong na ang kalayo, didto kag nasapwan ang sunog nga bangkay ni Edison sa sulod sang ila kwarto.
Apat tanan ka balay ang nagkalasunog: 1. Jerson Hojilla, 52 anyos. 2. Erlinda Aguilar, 49 anyos. 3. Rica Aguilar, 21 anyos kag Edison Hojilla, 81 anyos.
Kingki naman ang tunaan sang sunog sa pagpangusisa sang dyHB sa diin mga P100 mil ang kahalitan.
Nagpalab-ot naman sang bulig ang barangay paagi kay Kapitan Rossini Distrito sang Singcang.
