PULUPANDAN – Ginkasubo sang pamilya ni PO1 Melchor Casipe Jr. ang natabo nga pagpangluthang patay sa iya las 7:15 kagab-i sa Barangay Guadalupe, Janiuay, Iloilo.
Para sa mga himata mabuot nga sahi sang pulis si Casipe sa diin mga apat na ini ka tuig sa serbisyo.
Suyaay ang rason kon ngaa naglab-utanay sila sang upod nya man nga pulis nga nagtiro sa iya nga si PO1 Christian Kenneth Senon sang Jereos, Lapaz, Iloilo City.
Gindala pa sa Janiuay District Hospital si Casipe apang gindeklara nga dead-on-arrival las 7:43 bangod man sa patal nga igo sa iya likod.
Si Casipe ang Class Mandirigma kag assign sa 602nd Company Headquarters Regional Mobile Force Batallion (RMFB) – 6 nga nakabase sa amu nga barangay.
Gilayon naman nga gin-aresto ni PSInsp. Charlie Sebastian si Senon kag gindala sa Janiuay PNP.
Narecover ang basiyo kag ang Glock 9mm pistol nga service firearm ni Senon nga may walo ka bala ang iya magasin.
