ILOILO CITY – Preso ang magulang matapos mag-inom-inom upod ang manghod sa isa ka disco house sa City Proper kag wala makabayad sang ila bill.
Ang mag-utod ginkilala kay Alvin Gumayan, 28 anyos kag Raymart Gumayan, 23 anyos sang Malunang Zarraga, Iloilo.
Nahibaluan nga naglab-ot sa P5,930 ang bill sang mag-utod para sa ila mga gin-order nga ilimnon kag gin-table nga babaye.
Ginpreso ang magulang sa City Proper Police Station samtang nagpangita snag inugbayad ang iya manghod.
Facebook Comments
