SIPALAY CITY, NEGROS OCCIDENTAL – Napatay ang isa ka 52 anyos nga iloy matapos nga ini siya ang ginlampusan sang iya mismo kaugalingon nga bata.
Ang biktima ang ginkilala kay Prinseca Lumiran samtang ang suspek nga anak mismo sang biktima nakilala kay Agripino Lumiran lunsay residente sang Sitio Atoy-Atoy , Barangay Gil-Montilla , syudad sang Sipalay.
Suno sa hepe sang Sipalay PNP – PChief Insp. Romeo Vargas, nga naakig ang anak sang biktima matapos nga ginbalibaran ini sang ginapangayo nga kwarta.
Nahibaluan nga nagakatulog ang biktima, las kwatro sang kaagahon, sang ini ang ginlampusan sang kahoy sang iya anak sa ulo kag tangkugo nga nagresulta sang iya kamatayon.
Nasapwan na gid lamang ini, tatlo ka oras ang nakalipas sang iya man kabataan Agustina Bandiola kag Lydia Amaro.
Ang suspetsado ang ginasiling may deperensya sa paminsaron kag sa tion nga abuton sang iya nga balatian , masami nga ginakastigo sini ang iya nga iloy.
Ini siya ang detained na karon sa custodial facility sang Sipalay PNP matapos nga iya man gin-ako nga ginpatay niya ang iya iloy.
Tags: Visayas, Sipalay City,
