Patay ang isa ka lalaki matapos ginluthang sa barangay Our Lourdes, Jaro pasado alas 8 sini lamang nga gab-i (Agosto 23)
Ginkilala ang biktima nga si Rodolfo Mahinay Sr., 44 anyos ang edad samtang ang suspek ginkilala nga si Jimmy Yudelmo, legal ang pang-edaron sang amo man nga lugar.
Suno kay Joan Mahinay, asawa sang biktima nga naglabay sa ila balay ang suspek nga si Yudelmo nga nakainum sang masalapay sini ang ila ido kabangdanan nga ginsita ini sang biktima.
Subong man, naghambal ang suspek nga reklamo lang kon mareklamo kay balikan niya ang mga ini.
Suno pa kay Joan nga nagbalik gid man ang suspek nga may dala nga armas luthang kag gintiro ang iya bana nga nakaagum sang pilas sa tiyan.
Gindala pa sa ospital ang biktima apang wala na matabangan kag ini ang napatay.
Samtang nadakpan naman ang suspek kag pursigido ang pamilya sang biktima nga pasakaan ini sang kaso.
