Dumarao, Capiz – Pilason ang 35-anyos nga lalaki matapos ginlabo sa Barangay Dacuton, Dumarao, Capiz. Ginkilala ang biktima kay Joart Daquelanea, sang Sitio Lonok, Barangay Sibariwan, sang amo man nga banwa.
Ba-se sa impormasyon nagikan sa mga kapulisan, nagluntad ang insidente, samtang nagapanyapon ang biktima sang nag-abot ang ginatudlo nga suspek nga iya landlord nga si Jose Joefred Libo-on, 51-anyos ang edad. Hinali lamang nga naggabot sang sanduko ang suspek kag ginlabo ang biktima.
Nag-angkon sang pilas sa natuo nga butkon si Daquelanea kag gilayon nga gindala sa ospital agud nga mabulong. Gilayon naman nga nadakpan sang mga kapulisan ang suspek. Pagpangimon ang ginalantaw nga motibo ni Libo-on sa paglabu kay Daquelanea bangud masami nga naga-estorya ang biktima kag asawa sang suspek.
