Ginpaidalom sa state of calamity ang Banga, South Cotabato tungod sa natuga nga danyos sang pagbaha sa banwa sang Mayo 29 subong nga tuig.
Suno kay Banga MDRRM Action Officer Joseph Franco, ini matapos nga aprobahan sang Sangguniang Bayan sa ginpatigayon nila nga special session sang Huwebes nga adlaw ang rekomendasyon sang Municipal Disaster Risk Reduction and Management Council nga ipaidalom ang banwa sa state of calamity.
Ginkumpirmar ni Franco nga nagalab-ot sa P23 million ang natuga nga danyos sang pagbaha sa agrikultura kag imprastruktura.
May-angot sini, nagalaum sila suno kay Franco sang augmentation sang provincial government kag iban pa nga ahensya sang gobyerno sa ayuda nga ihatag sa mga apektado sang kalamidad tungod magamay lang man ang calamity fund sang banwa nga sarang mahulag.
Samtang suno sa Banga MDRRM Action Officer ang ginahatagan nila sang pagtamod ang sa agricultural sector tungod yara sa 80 porsyento ang nadanyos ilabi na sa palay.
