Ginpaidalom na sa state of calamity ang banwa sang T`boli, matapos nga aprobahan sang Sangguniang Bayan sini ang ordinance no. 12 series of 2019 ang rekomendasyon sang Municipal Disaster Risk Reduction and Management Council tungod sa natuga nga epekto sang El Niño sa mga pananom.
Sa nasambit nga ordinansa ginhatagan man sang authority ang local chief executive nga magamit ang 30 porsyento sang 5 ka porsyento nga quick response fund nga nagakantidad sang masobra sa P5.3 million para sa relief and recovery program.
Base sa ila datos suno kay Municipal Agriculture Officer Barry Lugan nagalab-ot sa masobra P47 million ang natuga nga danyos sa mais sa 1,971 ka ektarya kag yara sa 1, 359 ka mga mangunguma ang apektado sa 24 ka mga barangay.
May-angot sini, suno kay Lugan ang daku nga porsyento sang quick response fund ang magapadulong naman sa rice distribution sang LGU sa mga apektado kag corn seeds kon istable na ang sitwasyon sang panahon.
